教育王國

標題: 觀察型小朋友係咪比人學習得慢 ? [打印本頁]

作者: 萬樂豬 時間: 11-9-22 23:12 標題: 觀察型小朋友係咪比人學習得慢 ?

觀察型小朋友係咪比人學習得慢 ?

作者: ok_ko 時間: 11-9-23 09:57

如果小朋友真的是觀察型,他應該不會學得慢的。學得慢應該有其他原因。

作者: Annie123 時間: 11-9-23 10:50

提示: 作者被禁止或刪除內容自動屏蔽

作者: ok_ko 時間: 11-9-23 12:34

問得好。我都係估下。以我個為例，兩歲時十分定，我會用“嘔”來形容。做事總是先看看他人，完全吾主動。後來幼稚園老師說小孩是觀察型。其實都好過被老師話吾主動!

作者: 萬樂豬 時間: 11-9-26 01:03

原帖由 ok_ko 於 11-9-23 12:34 發表
問得好。我都係估下。以我個為例，兩歲時十分定，我會用“嘔”來形容。做事總是先看看他人，完全吾主動。後來幼稚園老師說小孩是觀察型。其實都好過被老師話吾主動! ...

我囝囝就係, 上左 8 個月了, 日日都返 PLAYGROUP, 但都現在都係唔會跟老師做動作或唱下歌仔, 又唔會主動爭取 ( 舉手搶答之類 ) , 所以老師就話佢係觀察型喎, 會學野無比人咁快咁叻...聽到都幾灰.....老師話要接受佢既缺點 >< 有無學長既小朋友係咁呢 ??

仲有呀, 佢話依 D 個腦會轉得慢, 所以數學會弱 D , 但...可以等佢大個 D 發掘佢既長處再去栽培佢喎...

作者: sara11 時間: 11-9-26 10:13

我仔細個都有老師話佢屬於觀察型，所以囝囝做/學任何野既起步比較慢，而且比較被動和缺乏自信。但老師都話觀察型既小朋友由於觀察得比較詳細、細致，到一定時候之後既實淺會做得更好！
開始我都唔信，淨覺得係老師安慰我。為左唔想握殺呀仔既自信&學習興趣，我揀左間校風好、老師好，但比較淺既小學俾囝囝。而家呀仔已經小五，佢既成績到由小三開始都係全級頭10名。而佢既學習興趣和信心都強左好多。就算細個時學游水都學得慢過人，點知學到8、9歲左右就好似開竅咁，俾總教練揀左入泳隊，練左短短一年已經進步好多，在公開比賽有好成績。
所以我覺得"觀察型"既小朋友真係絕對唔會比其它小朋友差，只不過個起步比較慢，但結果佢會學得比較多。只要幫佢搵到適合既學校同興趣，佢地都會做得好好。

原帖由 萬樂豬 於 11-9-26 01:03 發表

我囝囝就係, 上左 8 個月了, 日日都返 PLAYGROUP, 但都現在都係唔會跟老師做動作或唱下歌仔, 又唔會主動爭取 ( 舉手搶答之類 ) , 所以老師就話佢係觀察型喎, 會學野無比人咁快咁叻...聽到都幾灰.....老師話要接受 ...

作者: ok_ko 時間: 11-9-26 10:21 標題: 回覆 5# 萬樂豬的文章

吾好完全信。在那個playgroup，你囝囝會否太細? 咁細個,話他“嘔”，怕醜是可以理解。怎麼可能知道他個腦會轉得慢，所以數學會弱 D？

我小孩的數學天賦不錯的。

作者: 萬樂豬 時間: 11-9-27 01:51

其實我囝囝係 PLAYGROUP 到唔係最大又唔係最細, 但細佢一個月的小朋友同大佢一個月既小朋友, 都好叻.....

老師做咩指令同動作, 佢地都可以跟得到做, 但我個囝就永遠都企係到.....唔郁望住老師

講野超細聲, 無自信......唉.........都唔知點INTERVIEW..........

作者: 萬樂豬 時間: 11-9-27 01:55

原帖由 sara11 於 11-9-26 10:13 發表
我仔細個都有老師話佢屬於觀察型，所以囝囝做/學任何野既起步比較慢，而且比較被動和缺乏自信。但老師都話觀察型既小朋友由於觀察得比較詳細、細致，到一定時候之後既實淺會做得更好！
開始我都唔信，淨覺得係老師安慰我。為左 ...

我叫了老公睇你依篇回覆, 我地都有少少鬆一口氣,不過, 老公話係咪揀 D 淺既幼稚園佢讀, 但我好怕到一上小學突然變深了, 佢仲難應付..,....真係唔知點做好......

而且我覺得都好睇小朋友個性格, 可能你囝囝會發奮向上的人, 而我囝囝好懶..........

作者: sara11 時間: 11-9-27 10:43

唔好咁灰啦！觀察型小朋友係會比較缺乏自信，基於呢個 point 我唔敢揀太深既小學俾佢 (當年都係靠估、靠直覺)，希望呀仔能夠跟到進度，從而培養個人自信。
其實幼稚園都係一個試驗既場地，你大可試左程度深少少既幼稚園先，最多唔得咪轉囉！唔好憂慮太多，太多憂慮會俾左小朋友無影既壓力，始終你小朋友咁細，優點長處有待你慢慢同佢一齊發掘！

P.S. : 我個仔都係極度懶惰！

原帖由 萬樂豬 於 11-9-27 01:55 發表

我叫了老公睇你依篇回覆, 我地都有少少鬆一口氣,不過, 老公話係咪揀 D 淺既幼稚園佢讀, 但我好怕到一上小學突然變深了, 佢仲難應付..,....真係唔知點做好......

而且我覺得都好睇小朋友個性格, 可能你囝囝會發奮 ...

作者: LuLuKiuKiu 時間: 11-9-27 11:17

原帖由 萬樂豬 於 11-9-27 01:51 發表
其實我囝囝係 PLAYGROUP 到唔係最大又唔係最細, 但細佢一個月的小朋友同大佢一個月既小朋友, 都好叻.....

老師做咩指令同動作, 佢地都可以跟得到做, 但我個囝就永遠都企係到.....唔郁望住老師

講野超細聲, 無自信. ...

萬樂豬, 我好明你因我個囝囝都係咁, interview一定輸蝕! 不過如樓上一位媽媽的分享, 觀察型小明友睇野深入, 當佢掌握得到時就會做出來, 並且效果幾好! 如我囝囝15個月先肯甩手自己行, 但當佢肯自己行時就行得相當穩陣好少跌!

共勉之!

作者: onon530 時間: 11-9-27 11:42 標題: 回復 11# LuLuKiuKiu 的帖子

同意, 我覺得觀察型會=專注=留心

作者: debbieip 時間: 11-9-27 12:46

我仔仔5歲, 我從想過他屬那一類的學習類型....但聽以上各位媽咪形容, 我仔仔都中....

佢細時上PLAYGROUP又係唔多跟老師做動作, 老師帶小朋友跳舞佢又唔跳企左係度.....(明明你識又想做, 又唔敢, 只係望住老師...), 又唔多講野...

細時教佢, 佢又冇咩反應, 所以教完又教, 但都唔知佢明唔明....冇辦法啦, 佢明唔明都好, 我都一路教...幾個月之後, 佢就突然明白曬你之前幾個月教佢D野....
我觀察左仔仔好耐, 佢次次都係咁, 幾個月 "空白期", 然後突然之間又識!

而我自己都同上面的媽咪一樣, 選了一間 "唔谷" 的學校比仔仔, 我發現咁佢學得仲好! 而且人亦主動左, 仲會舉手答問題!

作者: debbieip 時間: 11-9-27 12:52

哈哈, 好似呀, 我仔仔都有類似情況呀! 佢2歲都唔多講野, 教佢, 佢又冇反應(擔心死我), 但2歲過後就肯講, 仲學得好快, 講得清楚冇BB音!

原帖由 LuLuKiuKiu 於 11-9-27 11:17 發表

萬樂豬, 我好明你因我個囝囝都係咁, interview一定輸蝕! 不過如樓上一位媽媽的分享, 觀察型小明友睇野深入, 當佢掌握得到時就會做出來, 並且效果幾好! 如我囝囝15個月先肯甩手自己行, 但當佢肯自己行時就行得相當穩 ...

作者: ms.aeroplane 時間: 11-10-10 11:43

睇一本關於"敏感"小朋友,佢地都有呢種情況,表面佢地反應較慢,對人回應唔夠即時,好多人以為佢地怕醜同細膽,其實係佢地接收到一D訊息時,要用佢個腦仔作出比一般人詳細而深入嘅分析,處理的時間較多，到佢地分析完先回應,一般人會覺得佢地反應慢!而同時佢地由於比較喜歡觀察別人,往往會因為咁,佢地不自覺咁認為自己都被其他人觀察中,所以佢地會好謹慎去做事！同時佢地會需要多Ｄ安全感，某程度上，俾足夠同肯定嘅指示，佢地會比較有信心去做。佢地亦會因為咁，只要你灌輸一Ｄ正面思想比佢地，佢地都係比較願意跟從。

作者: debbieip 時間: 11-10-10 12:12

ms. aerpliane,

看到你這段留言, 我真的很驚訝! 因為你說的, 就正正跟我兒子所表現的一樣! 謝謝你的留言, 樣我更明白仔仔的行為的背後原因!

原帖由 ms.aeroplane 於 11-10-10 11:43 發表
睇一本關於"敏感"小朋友,佢地都有呢種情況,表面佢地反應較慢,對人回應唔夠即時,好多人以為佢地怕醜同細膽,其實係佢地接收到一D訊息時,要用佢個腦仔作出比一般人詳細而深入嘅分析,處理的時間較多，到佢地分析完先回應, ...

作者: csy_ma 時間: 11-10-10 14:36

觀察型的小朋友可能是九型人格中的5號仔，請參考：
http://enneagramhk.mysinablog.com/index.php?op=ViewArticle&articleId=1424132

作者: rchchan0505 時間: 11-10-10 23:23

原帖由 ms.aeroplane 於 11-10-10 11:43 發表
睇一本關於"敏感"小朋友,佢地都有呢種情況,表面佢地反應較慢,對人回應唔夠即時,好多人以為佢地怕醜同細膽,其實係佢地接收到一D訊息時,要用佢個腦仔作出比一般人詳細而深入嘅分析,處理的時間較多，到佢地分析完先回應, ...

Thanks for your sharing.
我估我囡囡係敏感/觀察型，係喎，佢學溜冰時係慢過人，係吾出聲（對外人），但又有時覺得學野幾快，有d野我問佢，我都無教你，你在那裡學回來的，她說：睇到你地做咪識law.

作者: 萬樂豬 時間: 11-10-11 00:27

最近我囝囝突然唱到6, 7首歌出黎, 係好突然......原來佢地真係你做乜都吸收哂, 有時仲會講 D , 好少講, 亦無突然教佢既說話出黎........

希望...佢地敏感+觀察型既小朋友.....繼續發揮, 比多 D 驚喜媽媽....

作者: Cheng20110717 時間: 11-10-11 07:21 標題: 回復 19# 萬樂豬的帖子

我本人都是觀察型，看到聽到未算真的，親身做到才變成自己的經驗，並會牢牢記住，也許別人說我反應慢些，然而我在做之前，先思考如何做會更有條理和成功，然后行動和修正...這樣的學習態度對我有效！
老師是集體訓練師，未必可以花時間在每位學生特點身上。
父母親的愛和鼓勵是最重要的，請相信和祝福孩子，加油！

作者: bbJP 時間: 11-10-11 13:46

原帖由 萬樂豬 於 11-9-22 23:12 發表
觀察型小朋友係咪比人學習得慢 ?

我個仔都係觀察型,細個時佢亦不喜歡跟老師做動作唱歌,永遠慢幾拍,亦不愛說話.但係佢學野比一般小朋友要快,只是不喜歡告訴人,到而家高小,成績名列前茅,不過一樣係做事好慬慎,唔多鍾意出風頭,唔肯定or冇信心的不會說or做.一做就做得好好.
你小朋友既老師所言,聽下就算了吧!

作者: Annie123 時間: 11-10-11 14:11 標題: 回復 1# bbJP 的帖子

提示: 作者被禁止或刪除內容自動屏蔽

作者: 萬樂豬 時間: 11-10-11 17:59

原帖由 bbJP 於 11-10-11 13:46 發表

我個仔都係觀察型,細個時佢亦不喜歡跟老師做動作唱歌,永遠慢幾拍,亦不愛說話.但係佢學野比一般小朋友要快,只是不喜歡告訴人,到而家高小,成績名列前茅,不過一樣係做事好慬慎,唔多鍾意出風頭,唔肯定or冇信心的不會說o ...

我囝囝 2 歲, 真係咁樣呀..."不喜歡跟老師做動作唱歌,永遠慢幾拍,亦不愛說話 " ....真的希望佢可以像仔囝囝一樣成績名列前茅

作者: 萬樂豬 時間: 11-10-11 18:03

原帖由 Annie123 於 11-10-11 14:11 發表
我女兒也是比較 "靜"，可以說是 "觀察型" "審慎型"。由幼稚園都現在 year 11，都被老師說應更主動。
有些人很享受成為眾人焦點，我女兒偏偏很怕大家目光落在她身上。
早兩年她與我一位從事創作的親人多接觸了，好像是啟發了 ...

其實真係要學校既老師好先得....因為我囝 playgroup 的老師話, 老師多數鍾意活躍型的人, 因為他們叻 d 學野會快 d , 雖然老師無話我囝囝木獨, 但聽到心裡也不好受....而且都好明顯...他讚活躍的小朋友多一點........其實我囝囝又真係無乜反應同表情既 ><

作者: 萬樂豬 時間: 11-10-11 18:05

原帖由 Cheng20110717 於 11-10-11 07:21 發表
我本人都是觀察型，看到聽到未算真的，親身做到才變成自己的經驗，並會牢牢記住，也許別人說我反應慢些，然而我在做之前，先思考如何做會更有條理和成功，然后行動和修正...這樣的學習態度對我有效！
老師是集體訓練師，未必可以花時間 ...

其實睇完你回覆, 令我諗係丈夫又係豬油包....做事永遠要諗好耐........但他又真係像你一樣 " 做會更有條理和成功"....

我諗要將我認為係缺點的, 改觀成優點....

作者: rchchan0505 時間: 11-10-11 22:13

原帖由 萬樂豬 於 11-10-11 18:03 發表

其實真係要學校既老師好先得....因為我囝 playgroup 的老師話, 老師多數鍾意活躍型的人, 因為他們叻 d 學野會快 d , 雖然老師無話我囝囝木獨, 但聽到心裡也不好受....而且都好明顯...他讚活躍的小朋友多一點..... ...

我個囡in K1時，in 3間，無出過聲，幸好有1間收（這間是出名有愛心、活動教學的），我真係覺得呢間學校有教無類，感激！老師報告，囡囡不喜歡把自己心事說出來，但很明白及跟從指令、亦有能力！其實囡囡day 1之後就同我講想做小老師。從此我明白雖然她表現怕醜/超靜，其實心裡也有自己的想法和期望。若老師能配合，相信能造就囡囡。

作者: ms.aeroplane 時間: 11-10-11 23:33 標題: 回復 16# debbieip 的帖子

如果你想了解多D,可以去圖書館借E 本:"孩子，你的敏感我都懂"!
對你同小朋友都好架...佢會講埋點樣去處理同對待此"敏感小朋友"情緒架!
因為我都覺我個女似E種型!

作者: ms.aeroplane 時間: 11-10-11 23:53 標題: 回復 24# 萬樂豬的帖子

相信幼稚園會喜歡好動型多D,因為幼稚園講求小朋友要多反應同較互動,同埋會有好多表演,通常都會揾D口齒伶俐,反應快同活潑嘅小朋友做!所以比較得歡心!但上到小學,上課都比幼稚園單向,老C會比較喜歡定同靜,專心的小朋友,因為老師要上堂管理課室秩序係最重要,佢地情願小朋友乖乖地,定定地好過!唔洗用咁多時間控制!
同埋,可以講一個CASE,阿女以前幼稚園有個男仔,佢MANI話佢好靜同超慢熱,上堂都係靜,佢好擔心咁問班主任,佢個仔O唔OK,個老師話佢係靜D,但係佢其實乜野都識,到學期尾佢仲攞左佢自己班優異學業成績第一名TIM!又入左區內最TOP小學!
仲有我發覺特別係男仔如果係比較靜同定個Ｄ，好多時都讀書叻！
唔好比果Ｄ唔係咁了解你個仔嘅人影響自己呀！

[ 本帖最後由 ms.aeroplane 於 11-10-11 23:59 編輯 ]

作者: 萬樂豬 時間: 11-10-12 00:05

原帖由 ms.aeroplane 於 11-10-11 23:53 發表
相信幼稚園會喜歡好動型多D,因為幼稚園講求小朋友要多反應同較互動,同埋會有好多表演,通常都會揾D口齒伶俐,反應快同活潑嘅小朋友做!所以比較得歡心!但上到小學,上課都比幼稚園單向,老C會比較喜歡定同靜,專心的小朋友 ...

我想問呢...我囝囝返到屋企或者熟悉既環境便會活躍番, 但一返 playgroup 學校等等便會鵪鶉咁......係咪都係咁架 ??

作者: ms.aeroplane 時間: 11-10-12 00:24 標題: 回復 29# 萬樂豬的帖子

如果係＂敏感小朋友＂，佢地係會有咁嘅情況，因為屋企同熟悉嘅環境比到佢地安全感，所以會輕鬆自在好多，甚至係可以好多野講！
對待此類小朋友，要佢做任何事情前，最好向佢預告一下，無論去乜地方，要做乜野事情都要話比佢知，佢會較安心，佢地唔太喜歡驚喜事情！因為佢地對好多事情感受比較深，所以唔能夠面對太多外來刺激！別人覺得沒大不了，但佢地會有另一個層次感受！
或都ＰＬＡＹＧＲＯＵＰ每次都有唔同嘅玩意，對佢而言，果種刺激反而會令佢不安！
可能你叫佢去學一Ｄ運動，有程序指引去做嘅野，佢可能仲有得著架！
不過我都係睇書知道ＥＤ野，你都睇下我介紹果本書啦！會比較詳盡。

[ 本帖最後由 ms.aeroplane 於 11-10-12 00:26 編輯 ]

作者: 萬樂豬 時間: 11-10-12 00:33

我囝囝好奇怪, 我家裏有fit ball　（　即係好大個波波做運動個 d ), 咁playgroup 都有, 但佢係好驚...唔敢玩, 一見到就喊住話唔玩.... 但家裏就夠膽的...

連普通用大毛巾打禾秋, 佢一次都未試過, 係屋企又夠膽....

但....其實依間 playgroup 已經返左8, 9 個月了, 佢已經好熟悉, 但仍舊對刺激玩意唔行出一步.....

作者: 萬樂豬 時間: 11-10-12 00:34

唔能夠面對太多外來刺激........完全講中.......唉.......

作者: ms.aeroplane 時間: 11-10-12 00:36 標題: 回復 31# 萬樂豬的帖子

佢地會介意自己做得唔夠好！介意人地點睇佢。

作者: ms.aeroplane 時間: 11-10-12 00:38 標題: 回復 32# 萬樂豬的帖子

不要失望，去圖書館借E 本:"孩子，你的敏感我都懂"!

作者: 萬樂豬 時間: 11-10-12 00:39

原帖由 ms.aeroplane 於 11-10-12 00:38 發表
不要失望，去圖書館借E 本:"孩子，你的敏感我都懂"!

謝謝你啊．．．．希望可以更了解我的兒子．．．

作者: debbieip 時間: 11-10-12 11:31

THANKS a lot!

原帖由 ms.aeroplane 於 11-10-11 23:33 發表
如果你想了解多D,可以去圖書館借E 本:"孩子，你的敏感我都懂"!
對你同小朋友都好架...佢會講埋點樣去處理同對待此"敏感小朋友"情緒架!
因為我都覺我個女似E種型! ...

作者: fre124124 時間: 11-10-12 15:16

睇完你地既回覆, 我多左了解我個囡, 真係好多謝你. esp ms.aeroplane 因為我一早覺得囡囡係觀察形,宜家睇你既回覆更可以肯定. 想問下,仲有無其他書可以介紹excep the one u mentioned ?

作者: ms.aeroplane 時間: 11-10-13 10:35 標題: 回復 37# fre124124 的帖子

暫時冇睇過第二本,同埋E類書市面上不多!其實你可以SEARCH下仲有冇其他!

睇左E本書,媽媽都會比較釋懷!不再介意小朋友的表現!

作者: fre124124 時間: 11-10-13 10:57 標題: 回復 38# ms.aeroplane 的帖子

唔該哂你. 其實我睇書係想了解多d囡囡, 因為我之前同佢去上堂, 佢好似無咩興趣i.e. just look at people, without any further action. 睇黎呢個係佢character .

其實呢類小朋友, 你覺得有咩活動會適合佢地呀? 或者幫到佢地有全面發展?

作者: ms.aeroplane 時間: 11-10-13 11:52 標題: 回復 39# fre124124 的帖子

我唔係專家呢!唔敢評論你的小朋友啱玩乜野,我諗對於所有小朋友嚟講,緊係揾d佢喜歡嘅活動,就一定會事半功倍啦!你比佢諗下佢想學d乜啦!

作者: fre124124 時間: 11-10-14 10:17 標題: 回復 40# ms.aeroplane 的帖子

ahah a..其實我係想你以過來人身份分享一下...唔洗咁緊張... 因為我到宜家都未清楚佢鐘意咩活動 ahaha

作者: 萬樂豬 時間: 11-10-14 22:46

我係公共圖書館個網頁搵唔到 "孩子，你的敏感我都懂 " 依本書 ><

作者: 萬樂豬 時間: 11-10-14 22:47

咦~ 搵到嘞....yeah

作者: ha! 時間: 11-10-25 08:26

提示: 作者被禁止或刪除內容自動屏蔽

作者: fre124124 時間: 11-10-26 10:34

原帖由 ha! 於 11-10-25 08:26 發表
我個仔係一樣, 我買了這本書(叫商務同我訂, 因online有, 店沒有).... 我全屋都係教仔書, 因為唔識教, 他們(敏感兒)實在太特別, 常叫我出手無策...hehe...大家多多交流 ...

大家咁話啦.. 宜家d小朋友真係唔易教..

作者: ha! 時間: 11-10-26 21:26

提示: 作者被禁止或刪除內容自動屏蔽

作者: rchchan0505 時間: 11-10-26 23:55

原帖由 ha! 於 11-10-26 21:26 發表
但人地個d好似乖d, 我成日被亞媽說我唔識教。

我上圖書管搵上述書，我看到一本叫“孩子不應太聽話”，哈，我覺得好妙。最近成日同我個推拿師講教仔經，佢個囡11歲，在China，就快考鋼琴10級，中英數考第一，讀書自動波，佢都話如果仔女聽哂你話，最叻咪好似你咁lo!佢一個星期先返家一日，當然把時間放在親子上，只教智慧、不教知識，家裡有尊重和民主，我覺得有道理。

作者: monchuBB 時間: 11-10-28 12:17

我個仔細又係呢類型,成歲半先識行,又係敏感類孩子。

佢而家大左好左好多,我揀左間國際幼稚園比佢讀,等佢學主動d,而家佢肯主動叫人勒! 其實觀察型孩子未必一定學野慢,只不過佢唔做出黎比你知佢學識,反而佢地既專注力係好強,不防利用呢個優點教佢多d野,大大下你便知佢其實吸收晒! 比d耐性! 加油!!

歡迎光臨教育王國 (/)