教育王國
標題: 小朋友學鋼琴&芭蕾舞(有考試)，對升中派位有幫助嗎? [打印本頁]
作者: 靚靚C9 時間: 11-6-11 11:44 標題: 小朋友學鋼琴&芭蕾舞(有考試)，對升中派位有幫助嗎?
阿囡今年升小一
，現已有5、6課外活動，如果將來加埋學校嗰D，驚時間上應付不來。
彈琴&芭蕾舞都是阿囡自己喜歡的，但芭蕾舞一個星期要學2堂，花最多時間上堂。其實佢間小學都有芭蕾舞，但我諗都係大班人玩吓、表演吓 OR 代表學校比吓賽。如果FOR考試，始終無跳舞學校咁專業(雖然唔係最出名嗰幾間)。
所以想知小朋友學鋼琴&芭蕾舞(有考試)，對升中
派位有幫助嗎?
有無媽咪可以分享吓呀? THANKS
[ 本帖最後由 靚靚C9 於 11-6-11 11:46 編輯 ]
作者: py618243 時間: 11-6-11 21:16
其實坦白講，升中派位首要都係成績，當大家的成績都差唔多的時候，先會再睇埋你有無其他課外活動架!!如果你個女女對宜家學緊的野本身有興趣，咁keep住學啦!!!但我建議唔好再學其他野了，要留番d時間讀書呢!!!
作者: 小圓圓 時間: 11-6-14 19:08
我都想知學芭蕾舞有咩前途?中學睇唔睇? 除升學外,有咩實際出路?
學芭蕾舞有分英國,澳洲同北京3隻, 英國個隻無分加, 北京個隻考國內大學加20分,本地及外國大學加5分.但北京個隻難度較高.
作者: zoe_baby 時間: 11-6-15 02:42
我老公話唔會因為舞蹈考試加咁多學分架，其實你想知道舞蹈考試升大學係咪真係有5分加，又或者咩藝術考試對升學有幫助，最好親自打去考試局問，就咁信d藝術學校既廣告或者討論區留言好危險！
小朋友學才藝要花好多時間，如果花錢又花時間，到最後發現俾人呃就無謂啦。
咁當然，如果小朋友真係有好興趣學，真係對升學冇幫助都俾佢學啦！最緊要係小朋友開心嘛！
作者: yunhai 時間: 11-6-15 06:56
事實上考試局所辦各類課外活動的考試，都係做生意姐，唔好以為所有通過考試局考試的成績都可以獲得認受。"就咁信d藝術學校既廣告或者討論區留言好危險"，係呀，佢地特別標榜，聲明參加(代理)考試局一d考試，話會百份百合格，就呢句"百份百合格"已經係好有問題啦，即係變相買證書。原帖由 zoe_baby 於 11-6-15 02:42 發表 
我老公話唔會因為舞蹈考試加咁多學分架，其實你想知道舞蹈考試升大學係咪真係有5分加，又或者咩藝術考試對升學有幫助，最好親自打去考試局問，就咁信d藝術學校既廣告或者討論區留言好危險！
小朋友學才藝要花好多時間，如果花錢 ...
作者: share123 時間: 11-6-15 09:45
我阿女都系升小一,都有學呢兩樣野. 我打算俾佢學住先,直到應付唔到先算.如果升小一下子cut曬所有活動&興趣,只系日日咪書,我相信阿女都唔會中意小學生活.
做人都系要平衡d好.
作者: 音樂人長老 時間: 11-6-15 10:38
鋼琴同芭蕾舞己經係普及化課外活動，好多喺小學己經考到5級以上，如果有加分就大部份人都有得加，即等如無加到。
講番現實世界，我親戚個女中一讀女校，全班同學只得一個無學琴，之後都學埋啦，因為音樂科考試要彈一首歌。學嘢當然想興趣先行，但現實會唔會咁理想呢？樓主不妨打聽下心儀中學情況再同囡囡分析下學同唔學嘅好壞處，佢鍾意都要體力同精神應付到先得，而家考試期親戚個女讀到半夜一兩點，學校每日功課超多，做得哂己經好好，温書迫住考試前先做。
以上說法係好唔啱聽，但我希望用家長角度諗同盡量反映真實情況，希望大家俾啲空間唔好鬧，樓主可以有機會睇下不同意見。
作者: ohmygosh 時間: 11-6-15 11:19
我覺得可以靜觀其變﹔毋須太早作決定﹗
既然您小朋友兩樣活動都真的喜愛﹐就暫且讓她繼續下去吧﹗時間上儘量安排啦。
作者: ok_ko 時間: 11-6-15 17:13
right. if you have only two activities, then 靜觀其變.
作者: share123 時間: 11-6-16 10:22
原帖由 音樂人長老 於 11-6-15 10:38 發表
講番現實世界，我親戚個女中一讀女校，全班同學只得一個無學琴，之後都學埋啦，因為音樂科考試要彈一首 ...
音樂堂要彈琴,要求真系幾高,而且幾唔公平啊
作者: 靚靚C9 時間: 11-6-16 22:07
原帖由 音樂人長老 於 11-6-15 10:38 發表
鋼琴同芭蕾舞己經係普及化課外活動，好多喺小學己經考到5級以上，如果有加分就大部份人都有得加，即等如無加到。
講番現實世界，我親戚個女中一讀女校，全班同學只得一個無學琴，之後都學埋啦，因為音樂科考試要彈一首 ...
係唔係名校黎架? 音樂考試要彈歌? 
作者: 靚靚C9 時間: 11-6-16 22:15
原帖由 ok_ko 於 11-6-15 17:13 發表
right. if you have only two activities, then 靜觀其變.
就係唔只呢2樣，仲有畫畫、劍橋英語和普通話。仲有將來校內課外活動都未計。所以先咁煩
作者: 音樂人長老 時間: 11-6-16 23:46
間中學喺九龍塘，唔係頂級名校，不過派到呢間家長都會開心。
唔算要求高啦，聽朋友講而家考九龍塘名牌幼雜園除咗問父母職業外，家長仲要報埋有無大學學位同平日有無充足親子活動。
唉，家長都無時間諗公平問題，只能盡力催谷仔女，因為個學位大把人搶住要。
作者: share123 時間: 11-6-17 09:32 標題: 回復 13# 音樂人長老 的帖子
甘梗系一定要學樂器果間喇.如果一般學校,唔一定人人學樂器,點可以話音樂堂考呢d架....
| 歡迎光臨 教育王國 (/) |
Powered by Discuz! X1.5 |