教育王國

標題: 阿仔升上中一後, 完全無心向學, 點算呀? [打印本頁]

作者: yuentungchin 時間: 10-7-8 00:18 標題: 阿仔升上中一後, 完全無心向學, 點算呀?

阿仔小學時成績都算唔錯, 但一升上中一之後就恐怖囉

第一次測驗全級第一, 第一次考試跌落全級第三, 跟住第二次測試佢已經唔話我知第幾名喇, 今日見到張成績表一睇, 最近考試跌到落全級18名, 短短幾個月可以跌得咁恐怖, 我真係有D接受唔到囉~ 不過, 其實我未睇張成績表前都預咗咁上下架喇! 因為見到佢測驗好, 考試好都完全唔會拎起本書去溫嘅, 學習動機完全無晒, 心散晒, 個腦一日到黑淨係諗住玩, 無野玩就話好無聊, 總之見到佢嗰D態度真係想大巴大巴升佢呀~~

但係又唔得喎, 要忍佢喎, 如果唔係咪搞到佢愈來愈唔想見到我仲死

我一問起佢D成績呀, 功課呀, 佢就淨係: 唉~~得喇!得喇!得喇! 你好煩呀! 跟住行埋入房, 費事啋我添呀! 你話係咪俾佢激到噴血吖~~

真係好茅盾呀! 又唔想搞到兩母子無計傾, 又唔可以不聞不問由得佢繼續差落去, 請你哋教吓我應該點做到好啦~~~

作者: MonaLeung 時間: 10-7-8 12:29

唔溫書都有好成績咪得囉, 正值反叛期, 無謂攪到關係唔好嘛!

[ 本帖最後由 MonaLeung 於 10-7-8 15:11 編輯 ]

作者: dder 時間: 10-7-8 14:30

原帖由 MonaLeung 於 10-7-8 12:29 發表
唔溫書都有好成績咪得囉, 正是反叛期, 冇為攪到關係唔好嘛!

講得好... 根本好睇個小朋友, 中學唔可能仲年年第一啦.六年有上有落好正常, 最緊要佢知自已做緊咩? 反之,如果佢係唔上心,死讀都冇用.

作者: yuentungchin 時間: 10-7-8 16:20

我都唔想同佢搞到咁薑, 所以暫時都當自己時運高, 咩都睇唔到, 但係佢完全唔想拎起本書呀

個心淨係諗住玩, 一時又話鍾意影相, 話我部相機廢, 要買相機, 好啦, 自己就上網BIB兩部菲林機返嚟, 跟住又要買菲林, 又要曬相, 搞一大輪又嗌無錢, 叫你俾錢佢買呢買路, 樣樣都係錢

......最近又玩槍喎

又話自己D槍好廢, 又要買槍, 買咗返嚟又拆散佢, 又話要改, 又係錢

一時又話要學低音結他, 係咁俾說話我聽, 話我唔俾佢學, 好喇,俾佢學喇! 又要買結他, 都唔緊要喇(如果佢真係好有興趣, 肯的起心肝去學), 點知唔叫佢都唔會拎起支結他去PRATICE, 你話係咪激死你吖~~

我已經盡量唔同佢嘈, 唔哦佢喇! 我覺得好似縱容緊佢咁呀! 我唔知應該點做

我真係接受唔到佢咁樣囉

作者: KWOKTT 時間: 10-7-8 16:21

嘩! 你要求都好高喎!全級18名都唔讚佢,全級都應該有成一百人啦, 小學唔同中學, 唔係只得中,英數常,
仲要咁多科都係英文, 佢又冇咩溫習,都好西利啦!

原帖由 yuentungchin 於 10-7-8 00:18 發表
阿仔小學時成績都算唔錯, 但一升上中一之後就恐怖囉第一次測驗全級第一, 第一次考試跌落全級第三, 跟住第二次測試佢已經唔話我知第幾名喇, 今日見到張成績表一睇, 最近考試跌到落全級18名, 短短幾個月可 ...

作者: kilykilyk 時間: 10-7-9 13:13

原帖由 yuentungchin 於 10-7-8 00:18 發表
阿仔小學時成績都算唔錯, 但一升上中一之後就恐怖囉第一次測驗全級第一, 第一次考試跌落全級第三, 跟住第二次測試佢已經唔話我知第幾名喇, 今日見到張成績表一睇, 最近考試跌到落全級18名, 短短幾個月可 ...

你仔仔佢真係好叻仔,其實以上朋友講得啱架,喺中學攞到咁成績好叻啦,佢雖然跌咗,但重keep得住,我亦明白你感受,怕佢越跌越落,但鼓勵好過罵,同埋佢可能好多壓力,但又唔識表達,所以咪發脾氣,妳耐心啲同佢傾吓計啦..

請問妳仔仔讀邊間呀??

[ 本帖最後由 kilykilyk 於 10-7-9 13:14 編輯 ]

作者: dder 時間: 10-7-9 13:43

原帖由 KWOKTT 於 10-7-8 16:21 發表
嘩! 你要求都好高喎!全級18名都唔讚佢,全級都應該有成一百人啦, 小學唔同中學, 唔係只得中,英數常,
仲要咁多科都係英文, 佢又冇咩溫習,都好西利啦!

...

點止100? 好既學校成 200 個.
基本上合格都唔係易.

作者: Claudiawty 時間: 10-7-9 16:07

看完文章後，有大感觸。想喊 
 
阿仔幸運地入到一間band 1英中，測驗及考試成績只是100名外。中英數每星期都家庭老師會補習 1 次，我更期望他可以每天可溫習少少，但他做得到嗎？臨考試一個月前先溫書果隻。 
(班主任話：pass 過得到就得，不用太緊張) 
 
"Yuentungchin" 妳令我覺得好慚愧，以妳個仔成績，真心的，反而想請教一下點可提升到成績。 
 
有時都會幾茅盾的，經過小五,六的搏鬥 
(私人補習＋補習社＋校外試) 是不是比D空間去摸索中學靠自己的讀書方法，但正如你話：不聞不問由得佢繼續差落去？ 
 
各位你地仔仔現在同你是不是少D計傾? 
反而現在變得同爸爸親密Ｄ。 
 
我個C6話男仔心理攪埋“今" 多野係為減壓，有時就算好無聊成個小學生咁拿住玩具車，飛機片來片去都好正，淨係想個腦可以空白。佢話同女人諗野方法有分別。d 女人要每分鐘都最好填滿佢，見到個仔一得閒無野做，就係浪費時間。

作者: yuentungchin 時間: 10-7-9 16:28 標題: 回覆 8# Claudiawty 的文章

claudia 你真係唔好咁講呀

我最擔心係佢俾朋輩影響, 而家已經咁大轉變(學習態度), 遲d追唔上仲更加唔想讀啦

到時唔知點算呀???

其實我真係唔係最重視佢嘅成績,名次, 我最在乎係佢嘅學習態度, 佢做人嘅態度, 而家已經唔想讀書, 成日諗住玩呢玩路, d興趣成日變, 無樣野係會堅持, 只會埋怨屋企俾得唔夠多, 唔夠好, 再係咁落去, 好容易會俾d衰人引誘到吖嘛~~第日點算呀?

作者: yuentungchin 時間: 10-7-9 16:31

原帖由 kilykilyk 於 10-7-9 13:13 發表

你仔仔佢真係好叻仔,其實以上朋友講得啱架,喺中學攞到咁成績好叻啦,佢雖然跌咗,但重keep得住,我亦明白你感受,怕佢越跌越落,但鼓勵好過罵,同埋佢可能好多壓力,但又唔識表達,所以咪發脾氣,妳耐心啲同佢傾吓計啦..

請 ...

我個仔讀保良局唐乃勤初中書院(高中會直上莊啟程)

作者: dder 時間: 10-7-14 09:50

有時都會幾茅盾的，經過小五,六的搏鬥 
(私人補習＋補習社＋校外試) 是不是比D空間去摸索中學靠自己的讀書方法，但正如你話：不聞不問由得佢繼續差落去？

係好矛盾既.. 不過中學真係要靠自己既讀書方法, 你可做既係盡量提點佢. 唔係叫你不不聞不問, 不過呢樣野真係好睇你地既關係. 成日迫佢又唔得.

作者: beagledog 時間: 10-7-15 13:49

我估樓主家庭應該不嬲經濟, 所以個仔想要乜就有乜.

要令個仔明白, 就算家庭環境許可, 都係應用先用, 佢要買camera, 槍, 叫佢自己儲零用去買.

作者: fafa10322 時間: 10-7-15 14:46

感同身受！！昨晚被激到發火．．終於忍唔住’車”左佢兩巴．．．唉　！！家下又後悔．．我真不懂怎樣做．．才可令他生性ｄ．．．

quote]原帖由 yuentungchin 於 10-7-8 16:20 發表

我都唔想同佢搞到咁薑, 所以暫時都當自己時運高, 咩都睇唔到, 但係佢完全唔想拎起本書呀

個心淨係諗住玩, 一時又話鍾意影相, 話我部相機廢, 要買相機, 好啦, 自己就上網BIB兩部菲林機返嚟, 跟住又要買菲林, ... [/quote]

作者: fafa10322 時間: 10-7-15 14:50

咪就係囉．．咁辛苦先入到間好學校．．仲乜唔好好珍惜呢　？？再係咁．先前的努力咪白癈？？去玩就３個鐘．．溫書就３個字！！点會有好成績呢　？？

原帖由 Claudiawty 於 10-7-9 16:07 發表
看完文章後，有大感觸。想喊

阿仔幸運地入到一間band 1英中，測驗及考試成績只是100名外。中英數每星期都家庭老師會補習 1 次，我更期望他可以每天可溫習少少，但他做得到嗎？臨考試一個月前先溫書果隻。
(班主任話：pass 過得 ...

作者: 20091 時間: 10-7-16 18:36

其實你仔已經好叻了,唐xx中學好像有7班,大約都有280人,考18名已經好

.
你仔升中正值反叛期,俾的時間佢啦,冇謂搞咁僵,
再過些日子,佢自自然然"正常"了,現在只能忍...忍...

作者: yuentungchin 時間: 10-7-19 10:19

原帖由 beagledog 於 10-7-15 13:49 發表
我估樓主家庭應該不嬲經濟, 所以個仔想要乜就有乜.

要令個仔明白, 就算家庭環境許可, 都係應用先用, 佢要買camera, 槍, 叫佢自己儲零用去買.

唔係呀! 屋企環境唔係好好架咋, 不過佢恃住爺爺、麻麻同大伯幫佢, 十卜佢咋~~ 佢咪成日俾說話我聽囉......(話我唔俾錢佢買呢樣, 買嗰樣囉, 咩都係佢哋買囉~~~),

佢又唔諗吓自己衣食住行, 學野有幾大開支, 講極都唔明嘅, 成日怨我俾得唔夠多, 唔夠好......都唔知佢幾時先識諗架~~

"忍" 我忍佢, 唔係點唧?! 真係"車"落去, 佢記你一世架~~好難返轉頭架~~唯有忍佢啦~~

作者: yuentungchin 時間: 10-7-19 10:22

原帖由 dder 於 10-7-14 09:50 發表
有時都會幾茅盾的，經過小五,六的搏鬥
(私人補習＋補習社＋校外試) 是不是比D空間去摸索中學靠自己的讀書方法，但正如你話：不聞不問由得佢繼續差落去？

係好矛盾既.. 不過中學真係要靠自己既讀書方法, 你可做既係盡量提點佢. ...

知易行難~~

作者: dder 時間: 10-7-20 18:28

唔得再想方法 lor.

作者: yuentungchin 時間: 10-7-21 10:13

原帖由 dder 於 10-7-20 18:28 發表
唔得再想方法 lor.

希望其他媽媽可以一齊分享點教仔, 等我可以偷吓師吖

作者: 0120 時間: 10-7-21 10:47

嘩~中學全級第一已經好叻, 落都去18都5係太差LA,不過可能佢而家係反叛期姐......

原帖由 yuentungchin 於 10-7-8 00:18 發表
阿仔小學時成績都算唔錯, 但一升上中一之後就恐怖囉第一次測驗全級第一, 第一次考試跌落全級第三, 跟住第二次測試佢已經唔話我知第幾名喇, 今日見到張成績表一睇, 最近考試跌到落全級18名, 短短幾個月可 ...

作者: smalle 時間: 10-7-21 22:43

唔溫書,都全級18,佢係叻仔黎, 興趣多都係好事, 反而佢對你$$上既態度真係有D唔好, 家中有其他家人左右教導確係傷腦根...睇完大家的分享...我都開始驚...雖然我囡只係升小5...

作者: Auntie山渣 時間: 10-7-23 11:39

提示: 作者被禁止或刪除內容自動屏蔽

作者: Andrew_L 時間: 10-8-1 15:25

遲ｄ個仔話住開間屋都幾廢﹐不如自己起過棟﹐甘就要去還神喇

作者: jennyfai 時間: 10-11-11 00:09

看完你文章,以目前的情況,溫書不是重點,反而是你倆關係,你一開聲個仔就走入房,其實問題出於那方,最終都係要你去修補.多D同個仔傾計,暫時不要提溫書的事,不單問佢有關佢的所有,你都要講你的.中一啦,你要當佢大人,如每次開聲佢都走左入房,佢學壞左要教才困難.

作者: Mandy23 時間: 10-11-12 14:09 標題: 回復 1# yuentungchin 的帖子

Hi 我囡囡都是今年讀唐乃勤, 想問測驗完後有成績表派? 因我不見囡囡有給我看.

作者: KitBo 時間: 10-11-13 17:09

我都想死ar, 我遲d想連房門都拆埋佢. 剛給我收咗部Notebook. 佢遺反承諾, 叫佢10:30pm瞓, 點知候我瞓咗攪到12:30pm.
不能自律, 無承信, 不能自我控制(好似吸咗毒咁)

作者: irisyan 時間: 10-11-14 20:39

一般來講，升上中一後功課壓力都會較小學大為減輕，稍一鬆懈就會失去學習重心。
家長一方面應盡可能多關心孩子的心理狀況，與他們建立朋輩關係，分享他們的生活點滴，適時給與正確指引；另一方面，家長也不可以隨意滿足孩子的物欲需求，尤其是電子類產品的需求，設定適當的管控措施，例如上網時間設限，定期檢查上網記錄等等，避免他們接觸不良網站。

作者: jennyfai 時間: 10-11-15 00:38

其實佢有13歲,你硬時佢又硬,你收左佢電腦,佢未又出第二招,大家最終會攪壞關係,我覺得你目前最重要攪好你倆關係,佢成績咁好,此終有個底,你比半年時間修補好,做得好,佢見你好似見蜜糖咁,何止不頂嘴,仲有事自動報告,我就係一個例子,我仔也是升中一,在小學時,發現行為有異(其一:說謊),我自我儉討之後,發現可能我教仔方式也有問題,慢慢地回復個仔的信任,而家佢雖然有時都有做錯,但他會不再像以前,用說謊及逃避心態去面對.

作者: Umi 時間: 10-11-15 10:56

其實呢個時期係要做到好似朋友咁先有計傾架!

佢要求既野你未必要比佢, 只可以話我認同和支持佢既睇法, 與他一起plan下點先可以達到目標. 但係$$就不可亂花, 要他自己儲$去買.

其實可能小朋友由細到大都要咩有咩. 所以慾望係無止境的.

記得以前聽過朋友講, 有D家長會同小朋友講terms, 即係考到點就會有咩gift...其實係自掘墳墓. 因為佢讀書為咩既reasons都行y左. 朋友話: 如果佢做到某個目標. 係大家"慶祝:而唔係"奬勵". 個point完全唔同!

作者: karen2621 時間: 11-1-14 16:24

完全明白樓主的心情.有時真係好難頂.只係一句說話或者小小唔順意就大發脾氣.如果同佢硬鬥就死梗,佢可以更衰更"本par".唯有禁住自己,等佢道氣過咗再同佢講野.但都要等一段時間,雖然開始講野時佢通常都重係戰鬥格,但如果你當無事佢就好快回服正常.之後我就會同佢講番佢有乜唔啱.當時係就係好似明咁,但呢啲情形只會重覆出現.

有時我會問自己咁樣係咪從容緊佢.唔通呢啲就叫反叛期?

讀書成績雖然緊要,但如果同做人比,我寧願佢生生性性,唔好學壞.

唉~都唔知呢個反叛期幾時先完.

唯一慶幸係我同佢啲關係都算唔差,但佢同爸爸就唔得.大家睇大家唔順眼.老公又唔support我,話我同佢唔可以似朋友,總之就好煩.煩完細又要煩大.救命~~~!

原帖由 yuentungchin 於 10-7-8 16:20 發表
我都唔想同佢搞到咁薑, 所以暫時都當自己時運高, 咩都睇唔到, 但係佢完全唔想拎起本書呀個心淨係諗住玩, 一時又話鍾意影相, 話我部相機廢, 要買相機, 好啦, 自己就上網BIB兩部菲林機返嚟, 跟住又要買菲林, ...

作者: chanms 時間: 11-1-17 00:02

樓主兒子讀書已有基礎，放鬆一點，遲些執翻，還可以...
不過，親子關係/尊重父母，要花點心思...

少年男仔自尊心中很碎弱。升到band1，高手如云，如果出盡力都考唔好，就好似証明自己能力低。他們會選擇放per，唔得只因為自己唔讀，唔關能力問題...
大部份男孩子都有鬥心，不過唔會話俾阿媽知，費事有壓力...
只要keep住中英數ok，中四發力都未遲。

我阿仔中一第一個學期全班第一，學期尾第七。中二已經廿幾...之後平隱...即全級30之內。Now, he is Form4.
當其他學生適應英中時，高手就會出現，名次跌都唔出奇。

有時阿仔都有些反叛，甚至對我不尊重。我不會跟他正面交峰，咁大個人，他知衰...不過青春期，情緒大晒。
我會選擇搵時機再講翻，如只得我地兩個，大家心情好，搭車/行街...
講翻時要...精簡...盡量不責備，只講感受，即「你記唔記得個次...其實你咁做，我唔開心...」

對他們有要求時，盡量以他們做出發點。不妨坦白跟他們說妳的心底話：媽媽著緊你、媽媽愛你...

孩子已經知道錯，他們不是需要責備，而是需要愛和肯定。

作者: Rosannaliu 時間: 11-1-18 19:57

I think educate our children must be patient ,the relationship would be worst if only punishment.Try control your emotion and talking with him gently.He need time to grow up.

歡迎光臨教育王國 (/)